საქართველოს პარლამენტის ეროვნული ბიბლიოთეკის გენერალური დირექტორი, მწერალი გიორგი კეკელიძე სოციალურ ქსელში წერს, რომ “გურული დღიურების” ფონდი, რომელიც საგანმანათლებლო შინაარსისაა, მიკროსაფინანსო ორგანიზაციაზე თავდამსხმელის დედას, ლამარა ტერელიძეს დაეხმარება, რომელიც ყოფილი პედაგოგი აღმოჩნდა და საზოგადოებას, შვილის საქციელის გამო, ბოდიში მოუხადა:
‘‘ვნახე იმ გზააბნეული ბიჭის დედის ინტერვიუ და შევძრწუნდი. აი, იმის, ორი დღის წინ რომ მძევლები აიყვანა.
ასეთი დედები არ უნდა იტანჯებოდნენ შვილების შეცდომისა თუ დანაშაულის გამო. აბა, ეს რას უშველის, არც არაფერს, მაგრამ გურული დღიურების ფონდში, რომელიც საგანმანათლებლოა, საახალწლოდ რომელიმე შეჭირვებული პედაგოგისთვის მცირე ფინანსურ წახალისებას ვამზადებდით.
ახლა გადავწყვიტეთ და მას დავეხმარებით – ყოფილი მასწავლებელი გამოდგა ქალბატონი ლამარა’’, – წერს გიორგი კეკელიძე ფეისბუქის პირად გვერდზე.
ავტორი
ანა რობაქიძე