ცენტრალური საარჩევნო კომისია განმარტებებს აკეთებს შედეგების დამთვლელ პროგრამაში გამოვლენილ ხარვეზთან დაკავშირებით, რა დროსაც შედეგებში დაფიქსირდა არარეალური მონაცემები:
“შედეგების სპეციალურ ვებ-გვერდზე results.cec.gov.ge მიმდინარეობდა შედეგების გამოქვეყნების პროცესი, რა დროსაც, შიდა მოხმარების პროგრამიდან მონაცემების გასაჯაროებისას დაფიქსირდა ტექნიკური/პროგრამული ხარვეზი, რისი მიზეზებიც დგინდება. შესაძლოა ადგილი ჰქონდეს პროცესში რაიმე სახის გარე ჩარევას.
აღსანიშნავია, რომ ვებგვერდზე გრძელდება შემაჯამებელი ოქმების ატვირთვა, ყველა ოქმი საჯაროა და ხელმისაწვდომია ყველა დაინტერესებული პირისთვის.
ამ ეტაპზე ალტერნატიული ფორმატით გასაჯაროებულია წინასწარი შედეგები შემდეგ ბმულზე:
https://results.cec.gov.ge/#/ka-ge/election_44/prot
შემაჯამებელი ოქმები იხილეთ ბმულზე:
https://results.cec.gov.ge/#/ka-ge/election_44/prot“, – ნათქვამია ცესკოს სპეციალურ განცხადებაში.
ინფორმაციისთვის:
ცესკოს შედეგების დამთვლელი პროგრამის მიერ დაფიქსირდა არარეალური მონაცემები, კერძოდ, მაჟორიტარობის კანდიდატებზე: ირაკლი ჩიქოვანზე თავდაპირველად 118.08% დაფიქსირდა; ანზორ ბოლქვაძეზე – 105.15; შალვა კერესელიძეზე – 101.53%; სოზარ სუბარზე – 164,46%; ნინო ლაცაბიძეზე – 104.22%; ზაალ დუგლაძეზე – 104.86%.
ასევე ორი კანდიდატის მიერ მიღებული პროცენტების შეჯამები გასცდა 100%-იან ზღვარს:
ირაკლი ქადაგიშვილი 93.7% – გიორგი ბოტკოველი 10.92;
გიორგი ვოლსკი 95.38% – ზურაბ გირჩი ჯაფარიძე 10.921%;
ლევან კობიაშვილი 91.38% – ნიკანორ მელია 10.82%;
დავით სერგეენკო 94.68% – ალექსანდრე ელისაშვილი 10.62%;
ნოდარ ტურძელაძე 99.27% – ელენე ხოშტარია 6.71%.
