“მთავარი არხის” სარედაქციო გადაწყვეტილება არჩევნების მეორე ტურის გაშუქებასთან დაკავშირებით

206

დღეს, 21 ნოემბერს საქართველოში მიმდინარე მაჟორიტარული არჩევნების მეორი ტურის გაშუქებასთან დაკავშირებით, გუშინ, საინფორმაციო გამოშვების პირდაპირ ეთერში არხის სარედაქციო გადაწყვეტილება გაჟღერდა:

“მთავარი არხი” სრულად უერთდება ქართველი ხალხისა და ოპოზიციის პროტესტს, შესაბამისად ჩვენი სარედაქციო გადაწყვეტილებით 21 ნოემბერს არხის საინფორმაციო სამსახური არ გააშუქებს “ქართული ოცნების” მიერ დაგეგმილ სპექტაკლს, სახელწოდებით “მეორე ტური”, – გადაცემის დასასრულს, „მთავარი 9“- ის წამყვანმა, დიკო ჯოჯუამ გააკეთა განცხადება “მთავარი არხის” სახელით.

შეგახსენებთ, რომ 2020 წლის 31 ოქტომბრის არჩევნების შედეგების გამოქვეყნების შემდეგ, ოპოზიციურმა პარტიებმა მიაღწიეს შეთანხმებას, რის საფუძველზეც უარი განაცხადეს პარლამენტში შესვლაზე, ხოლო საპროტესტო აქციებზე განცხადებები გაკეთდა მაჟორიტარული არჩევნების მეორე ტურთან დაკავშირებით და ასევე უარი ითქვა მასში მონაწილეობის მიღებაზე.

ავტორი
ნინი შავლაძე

კომენტარები