“უდიდეს მადლობას მოგახსენებთ თქვენს მიერ გამოხატული ყურადღებისა და თანადგომისათვის…” – თენგიზ ცერცვაძე საქართველოს პრეზიდენტს მიმართავს

ინფექციური საავადმყოფოს გენერალური დირექტორი, თენგიზს ცერცვაძე, რომელსაც რამდენიმე დღის წინ Covid-19 დაუდასტურდა, საქართველოს პრეზიდენტ სალომე ზურაბიშვილს თანადგომისთვის მადლობას საჯაროდ უხდის და მიმართავს, რომ რადგანაც ქვეყანა უდიდესი გამოწვევის წინაშე დგას, პრეზიდენტის და პიროვნების ფაქტორი ამ გამოწვევების წარმატებით დაძლევაში მნიშვნელოვანია:

‘‘თქვენო აღმატებულებავ, ქალბატონო პრეზიდენტო,
უდიდეს მადლობას მოგახსენებთ თქვენს მიერ გამოხატული ყურადღებისა და თანადგომისათვის ჩემს ჯანმრთელობასთან დაკავშირებით, აგრეთვე ჩვენი მოკრძალებული საქმიანობის პოზიტიური შეფასებისთვის. მინდა დაგიდასტუროთ ჩემი უდიდესი პატივისცემა და სრული მხარდაჭერა თქვენს უაღრესად საპასუხისმგებლო საქმიანობაში საქართველოს სახელმწიფოს და ქართველი ხალხის საკეთილდღეოდ.

დღეს ჩვენი ქვეყანა დგას უდიდესი გამოწვევების (მათ შორის პანდემიის) წინაშე და თქვენი, როგორც პრეზიდენტის და პიროვნების ფაქტორი ამ გამოწვევების წარმატებით დაძლევაში მნიშვნელოვანია.

პატივისცემით, თენგიზ ცერცვაძე’’, – ვკითხულობთ ‘‘ინფექციური პათოლოგიის და შიდსის ცენტრის’’ ოფიციალურ გვერდზე.

ავტორი
ანა რობაქიძე