ქართველი პოლიტიკოსი, ეროვნულ დემოკრატიული პარტიის ყოფილი წევრი, ყოფილი დეპუტატი ირინა სარიშვილი, სოციალური ქსელის მეშვეობით ეხმიანება ქვეყანაში მიმდინარე პროცესებს, მაიკ პომპეოს ვიზიტის შესახებ წერს, აღნიშნული სტუმრობისგან გამოწვეულ აჟიოტაჟს გადაჭარბებულად მიიჩნევს და მთავარ მიზნად ხელახალ არჩევნებს ასახელებს, ახალი საარჩევნო კომისიის პირობებში:
‘‘არავინ ჩვენს გასაკეთებელ საქმეს არ გააკეთებს.
რა თქმა უნდა, ძალიან მნიშვნელოვანია პომპეოს ვიზიტი საქართველოში, მაგრამ ცოტა გადამეტებულად მეჩვენება ამ ვიზიტთან დაკავშირებული აჟიოტაჟი, თუ არ ჩავთვლით იმას, რომ მას უამრავი ჟურნალისტი ახლავს თან და ამ ჟურნალისტებმა საქართველოს მდგომარეობა რეალურად უნდა გააშუქონ და არა ისე, როგორც ამას ხელისუფლება წარმოადგენს.
ქოცების ჟივილ–ხივილზე აღარაფერს ვამბობ, ეს მათ ქოცურ სტილშია პატარ–პატარა სიხარულები, ჟრიამულები, რომელსაც ახლა ისტერიული შიშიც ემატება. ეს მათი სტილია.
ჩვენ, ჩვენ საქმეს მივხედოთ და მთავარ მიზანს მივაღწიოთ: ახალი საარჩევნო კომისია და ახალი არჩევნები. დანარჩენი ყველაფერი ლირიკაა და მეტი არაფერი.
‘‘ძალა ერთობაშია’’ – ეს მხოლოდ ლოზუნგი აღარ არის, ეს ჩვენი სამოქმედო გეგმის საფუძველი და ამ გეგმის წარმატებით განხორციელების მთავარი გარანტია.
ყველაფერი კარგად იქნება’’, – წერს ირინა სარიშვილი ფეისბუქის პირად გვერდზე.
ავტორი
ანა რობაქიძე