პარტია „ქართული ოცნება – დემოკრატიული საქართველოს“ წევრმა ნიკოლოზ სამხარაძემ ბრიფინგზე ჟურნალისტების შეკითხვებს გასცა პასუხი. მან აღნიშნა, რომ ცესკომ უკვე გადაითვალა არჩევნების შედეგები და დაჯამების შემდეგ დიდი ცდომილებები არ დაფიქსირდა. ხოლო ქვეყნისთვის მრავალპარტიული პარლამენტი სტაბილურ პოლიტიკურ გარემოს შექმნის მაშინ, როცა პარტიები პატივს სცემს ქართველი ხალხის არჩევანს:
,,წინა საარჩევნო და პოსტსაარჩევნო პერიოდში ,,ერთიანი ნაციონალური მოძრაობის“ პროპაგანდისტული მანქანა ემსახურებოდა, რომ არჩვენების დისკრედიტაცია და დელეგიტიმაცია მომხდარიყო.
გრიგოლ ვაშაძემ გუშინაც არ განმარტა, ბოლომდე რას გულისხმოდა თავის განცხადებაში. ჩვენი ელჩები და წარმომადგენლები არიან იმის მომხრე, რომ საქართველოში იყოს მრავალპარტიული პარლამენტი.
პარტიები, რომლებმაც გადალახეს 1%-იანი ბარიერი, ისინი შემოვიდნენ პარლამენტში, რასაც ემსახურება დიპლომატიური კორპუსი. სამწუხაროა, ის ფაქტი, რომ ოპოზიციური პარტიები დიპლომატიური კორპუსების ჩარევის გარეშე არ მოდიან დიალოგზე.
ჩვენ ვთავაზობთ ოპოზიციას: თუ ოპოზიციას სურს, რომ საქართველოში იყოს სტაბილური პოლიტიკური გარემო და მრავალპარტიული პარლამენტი, მაშინ პატივი უნდა სცენ ქართველი ხალხის არჩევანს.
თუ რაიმე დართვევები იყო არჩევნების დღეს, მზად ვართ ეს დარღვევები განვიხილოთ მათთან ერთად. გავჩვენონ რომელ უბანზე რა პრობლემა არის. ცესკომ უკვე გადაითვალა და ჯამურ შედეგებში დიდი ცდომილებები არ ყოფილა“, – განაცხადა ნიკოლოზ სამხარაძემ.
ავტორი
ნინი ხიჯაკაძე
