თბილისის მერია დედაქალაქის სხვადასხვა უბანში სადეზინფექსიო სამუშაოების ჩატარებას ეხმიანება, რა დროსაც კონკრეტული ადამიანები მოსახლეობისგან თანხას მერიის სახელით იღებენ:
“დედაქალაქში კვლავ გააქტიურდნენ უცნობი პირები, რომლებიც თბილისის მერიის სახელით, სხვადასხვა უბანში, კორპუსებში მცხოვრებ ოჯახებს გარკვეული თანხის სანაცვლოდ სადარბაზოების დეზინფიცირებას სთავაზობენ.
გაცნობებთ, რომ არც თბილისის მერიის და არც მის დაქვემდებარებაში მყოფი არცერთი უწყების კომპეტენციაში არ შედის სადარბაზოების დეზინფექცია, დეზინსექცია და დერატიზაცია.
შესაბამისად, მოვუწოდებთ მოსახლეობას არ ენდონ პირებს, რომლებიც თბილისის მერიის სახელით მომსახურებას სთავაზობენ“, – ნათქვამია განცხადებაში.
კომენტარები - დატოვეთ თქვენი მოსაზრება