“სტრატეგია აღმაშენებლის” ლიდერმა გიორგი ვაშაძემ და მისმა გუნდმა პრეზენტაცია გამართა და 30-დღიანი სამოქმედო გეგმა წარადგინა, სადაც მკაფიოდ არის განსაზღვრული თუ რის გაკეთებას აპირებს გამარჯვებისთანავე პოლიტიკური მოძრაობა. ვაშაძის შეფასებით, ეს არის უმნიშვნელოვანესი გეგმა, რომელიც საქართველის თითოეულ მოქალაქეს მისცემს რეალურ შანსს არჩევანი გააკეთოს “ფულის მკეთებელთა” და საქმის მკეთებელ გუნდს შორის:
“დღეს ჩვენთვის უმნიშვნელოვანესი გეგმა წარმოვადგინეთ. საქართველის თითოეულ მოქალაქეს აქვს არჩევანი გააკეთოს “ფულის მკეთებელთა” გუნდი აგრძელებს ქვეყნის მართვას თუ საქმის მკეთებლები მოვდივართ ხელისუფლებაში. დღეს ჩვენ წარმოვადგინეთ პირველი 30 დღის გეგმა, თუ რას ვაპირებთ გამარჯვებისთანავე.
1. მაღალპროცენტიან სესხთან დაკავშირებით გადავდგამთ მყისიერ ნაბიჯებს, კერძოდ, როგორიცაა საპენსიო სესხების პროცენტის ჩამოწერა. ყველა მცირე და საშუალო ბიზნესისთვის, ვისი სამსახურიც გაჩერდა, მათთვის მოხდება სესხის პროცენტის სუბსიდირება, რისთვისაც 5 მლრდ-დან გამოიყოფა 500 მილიონის ოდენობით;
2. მყისიერად დაიწყება წამლების 30%-ით გაიაფების პროცესი;
3. მინიმუმ 20000-30000 ტესტის ჩატარება მოხდება ყოველდღიურად იმისთვის, რომ კორონავირუსის სწრაფი ლოკალიზება მოვახდინოთ, გავხსნათ ეკონომიკა და მუშაობა დავიწყოთ. კორონავირუსთან დაკავშირებით ჩვენს გუნდს აქვს ყველაზე დეტალურად გაწერილი გეგმა. ჩვენ ზუსტად ვიცით, რა არის გასაკეთებელი. მზად ვართ მოვიდეთ და მუშაობა დავიწყოთ აღმშენებლობისთვის,” – განაცხადა გიორგი ვაშაძემ.
კომენტარები - დატოვეთ თქვენი მოსაზრება