სააგენტო “პარალელის” ინფორმაციით, რიგის მიმართულებით ფრენა, დღეს 4 ოქტომბერს შესრულდება. მომხმარებელს ამ რეისით სარგებლობა კვირაში ერთხელ შეეძლება. ქუთაისის აეროპორტის, პრესსამსახურის თანამშრომლის ინფორმაციით, რიგის მიმართულებით რეგულარული ფრენები ავიაკომპანია Wizzair-ის მიერ განხორციელდება. სხვა მიმართულებით ფრენების აღდგენას Ryanair-იც გეგმავს, თუმცა ეს დამოკიდებულია ეპიდემიოლოგიურ ვითარებაზე, საქართველოსა და მსოფლიოში.
მოგეხსენებათ, რომ საქართველოში ავიამიმოსვლა კორონავირუსის გავრცელების შემდგომ შეწყდა. ფრენები ჯერ კიდევ მაისში უნდა აღდგენილიყო, თუმცა მას შემდეგ ეს თარიღი ბევრჯერ შეიცვალა. სამოქალაქო ავიაციის სააგენტომ რეისების შესრულების დაწყების თარიღად 1 ოქტომბერი დაასახელა, თუმცა ფრენების აკრძალვა 1 ნოემბრამდე გახანგრძლივდა, ამის შესახებ შესაბამისი ნოტამი სამოქალაქო ავიაციის სააგენტომ 31 სექტემბერს გამოსცა.
„საერთაშორისო რეგულარული საჰაერო მიმოსვლის განხორციელებაზე დაწესებული შეზღუდვა მოქმედებს 2020 წლის 31 ოქტომბრის ჩათვლით. შეზღუდვა არ ვრცელდება იმ პირდაპირ საერთაშორისო რეისებზე, რომლებიც სრულდება თბილისის საერთაშორისო აეროპორტსა (ICAO-ს კოდი UGTB) და შემდეგ აეროპორტებს შორის:
მიუნხენი (ICAO-ს კოდი EDDM);
პარიზი (ICAO-ს კოდი LFPG);
რიგა (ICAO-ს კოდი EVRA),“ – წერია სააგენტოს განცხადებაში.
