“ის არ არის მხოლოდ მომღერალი და მსახიობი’’, – საქართველოს მესამე პრეზიდენტი ფეისბუქ პოსტით ეხმაურება სოციალურ ქსელში ბუბა კიკაბიძესთან დაკავშირებით გამოთქმულ შეფასებებს და აღნიშნავს, რომ ცნობილი მომღერალი, ენმ – გაერთიანებული ოპოზიცია “ძალა ერთობაშიას” საარჩევნო სიის პირველი ნომერი ძალიან მნიშვნელოვანი საზოგადო მოღვაწე, კარგი გაგებით პოლიტიკოსი და რაც მთავარია, დიდი ქართველი პატრიოტია:
“ბუბა კიკაბიძე მთელმა საბჭოთა რუსეთის თაყვანისმცემელთა ბრიგადამ ჩვენს სიაში მტრის აგენტად და ოკუპანტის წარმომადგენლად გამოაცხადა. ადამიანს ზუსტად ის უნდა დააბრალო, რაც არ არის – ეს მათი საყვარელი ხელწერაა! ბუბა კიკაბიძე მთელ მსოფლიოში საქართველოს სავიზიტო ბარათია, განსაკუთრებით პოსტსაბჭოთა სივრცეში. ის არ არის მხოლოდ მომღერალი და მსახიობი, უფრო მეტიც, ის ძალიან მნიშვნელოვანი საზოგადო მოღვაწე, კარგი გაგებით პოლიტიკოსი და რაც მთავარია, დიდი ქართველი პატრიოტია.
ბუბა კიკაბიძის პასუხი ყველა რუსეთუმის შეტევაზე მისი სიმღერაა, რომელიც 2008 წელს დაწერა და რომლითაც ის რუსეთის ე.წ. ლიბერალურ შემოქმედებით ინტელიგენციას საბოლოოდ გაემიჯნა.” – წერს მიხეილ სააკაშვილი პირად ფეისბუქ გვერზე.
