“ყველასი იმედგაცრუებაც და გაბრაზებაც მესმის და არც მე მომწონს პრაქტიკულად არცერთი პარტიის სია” – ნიკა გვარამია

მთავარი არხის გენერალური დირექტორი, ნიკა გვარამია სოციალური ქსელის მეშვეობით გამოეხმაურა პოლიტიკურ პარტიათა საარჩევნო სიების დაკომპლექტებას და აღნიშნა, რომ საარჩევნო სიების შედგენაზე და მერე მათ განხილვაზე ტოქსიკური პროცესი არ არსებობს ქართულ პოლიტიკაში:

“მეგობრებო, ყველასი იმედგაცრუებაც და გაბრაზებაც მესმის და არც მე მომწონს პრაქტიკულად არცერთი პარტიის სია. მაგრამ, ენდეთ ჩემს 17-წლიან გამოცდილებას პოლიტიკაში ყოფნის/დაკვირვების/ანალიზის: არასდროს საპარლამენტო სია არჩევნებს არ იგებს. მეტიც, არათუ გადამწყვეტ, პრაქტიკულად მეტნაკლებად მნიშნელოვან როლსაც არ თამაშობს. არც სიების შედგენაზე და მერე მათ განხილვაზე ტოქსიკური პროცესი არ არსებობს ქართულ პოლიტიკაში, რომელიც ლიდერებზე და პერსონებზე ორეიენტირებულად რჩება დღემდე და დარჩება კიდევ დიდ ხანს (ათწლეულები მინიმუმ), როგორც დაბალი პარტიული კულტურის, სამხრეთულ პოსტსაბჭოთა ქვეყანას “შეშვენის”.

ასე რომ, დაიკიდეთ და ნუ აცდებით მთავარ მიზანს – ბიძინაა დასამარცხებელი (და არა მისი სია) და ქვეყანააა გასათავისუფლებელი.

ps ერთადერთხელ ვიყავი პარლამენტის წევრი ნაციონალური მოძრაობიდან და მეასე ნომრით შევედი პარლამენტში. მეგობრები ხუმრობით (ზოგი დაცინვით) “სოტოვის” მეძახდნენ 😁“, – წერს ფეისბუქის პირად გვერდზე ნიკა გვარამია.

როგორც ცნობილია 1 ოქტომბრის 18:00 საათი ცესკოსთვის პარტიათა საარჩევნო სიების გადაცემის ბოლო ვადა იყო, ხოლო ცალკეული პარტიების საარჩევნო სიები საზოგადოების განხილვის თემად იქცა.