მთავრობის ადმინისტრაციის უფროსმა, ნათია მეზვრიშვილმა განაცხადა, რომ შეხვედრები ევროკომისიაში, ევროპარლამენტსა და ნატო-ში შედეგიანად დამთავრდა. პარტნიორებმა აღნიშნეს, რომ დაეხმარებიან საქართველოს მთავრობას, იმ მიმართულებით სადაც რეფორმების ჩატარება ხორციელდება:
„საუბარი ეხება იმ დემოკრატიულ რეფორმებს, რომელიც საქართველომ ბოლო წლების განმავლობაში გაატარა. ჩვენი მხრიდან, რა თქმა უნდა, გამოითქვა მზაობა, რომ საქართველო გააგრძელებს დემოკრატიულ პროცესებს და შესაბამის რეფორმებს. ჩვენმა პარტნიორებმა ამასთან დაკავშირებით შემოგთავაზეს დახმარება.
პოზიტიურად შეფასდა საარჩევნო რეფორმა, რომელიც საქართველოს ხელისუფლებამ გაატარა. პრემიერის მხრიდან აღნიშნული იყო არჩევნების მშვიდ, სამართლიან და დემოკრატიულ გარემოში ჩატარების მნიშვნელობა. მთავრობის მეთაურმა, მაღალი დონის შეხვედრებზე, კიდევ ერთხელ ხაზი გაუსვა იმ ჰუმანიტარულ კრიზისს, რასაც ოკუპირებულ ტერიტორიებზე აქვს ადგილი და რაშიც ყოველდღიურად უწევთ ცხოვრება ჩვენს თანამოქალაქეებს. ასევე, განიხილა საქართველოს ახალი როლი, შავი ზღვის რეგიონში და ევროკავშირთან ფიზიკურად დაახლოების მნიშვნელობა, როგორც ეკონომიკური, ისე უსაფრთხოების თვალსაზრისით“, – განაცხადა ნათია მეზვრიშვილმა.
