ინფექციური პათოლოგიის და შიდსის ცენტრის საზოგადოებასთან ურთიერთობის სამსახურის უფროსმა გიორგი ბერიძემ ჟურნალისტებთან საუბრისას განმარტა, რომ თენგიზ ცერცვაძე რჩება ინფექციური საავადმყოფოს გენერალური დირექტორის თანამდებობაზე:
‘’ინფექციური საავადმყოფოს გენერალური დირექტორი თენგიზ ცერცვაძე რჩება თანამდებობაზე და აგრძელებს დაკისრებული მოვალეობის შესრულებას.
ინფორმაციას არ ვფლობ პრემიერ-მინისტრთან და ხელისუფლების წარმომადგენლებთან შეხვედრის თაობაზე. კითხვების ნაწილი უკავშირდებოდა ბატონი თენგიზ ცერცვაძის მმართველი პარტიის საარჩევნო სიაში მოხვედრას. დარწმუნებით შემიძლია გითხრათ, რომ არასოდეს ჰქონია სურვილი თენგიზ ცერცვაძეს, მითუმეტეს ამ მოწვევის პარლამენტში მოხვედრილიყო, თუნდაც დაეკავებინა პარლამენტის თავმჯდომარის თანამდებობა.
რაც შეეხება სწავლის დაწყების საკითხს და მინისტრთან კომუნიკაციას, ამის შესახებ არ ვფლობ ინფორმაცია,’’ – განაცხადა გიორგი ბერიძემ.
