პარლამენტის ფრაქცია ‘’ნაციონალური მოძრაობის’’ მდივანმა თინათინ ბოკუჩავამ საზოგადოებას პარტიის პირველი ათეულის ჩამონათვალი წარუდგინა, რომლის სათავეშიც მომღერალი ბუბა კიკაბიძე იქნება:
‘’დღეს დავარეგისტრირეთ სია, “ერთიანი ნაციონალური მოძრაობის” გაერთიანებული ოპოზიციის ‘’ძალა ერთობაშია-ს’’ სახელით. ეს არის გამარჯვების სია იმიტომ, რომ “ერთიანი ნაციონალური მოძრაობა” ამ არჩევნებში იბრძოლებს, მხოლოდ და მხოლოდ გამარჯვებისთვის.
მე მინდა გაგაცნოთ სიის პირველი ათეული:
- ბუბა კიკაბიძე
- გრიგოლ ვაშაძე
- ნიკა მელია
- ხატია დეკანოიძე
- კობა ნაყოფია
- დევი ჭანკოტაძე
- ლევან ვარშალომიძე
- სალომე სამადაშვილი
- ზაალ უდუმაშვილი
- ხათუნა სამნიძე
ბუბა კიკაბიძე არის უშიშარობის, პატრიოტიზმის და მოუსყიდველობის სიმბოლო. ამიტომ, ბუბა კიკაბიძე არის ჩვენი სიის პირველი ნომერი. “ქართული ოცნების” დამარცხება ამ არჩევნებში არის გარდაუვალი, ბიძინა ივანიშვილმა ეს ძალიან კარგად იცის და აგონიაში მყოფი წაგების წინ ფართხალებს ძალადობრივი ფაქტებით, შანტაჟით, მუქარით, მაგრამ ქართველი ამომრჩეველი არ შეუშინდება.
სწორედ იმას ასხივებს ჩვენი სია, განსაკუთრებით პირველი ნომერი, რაც ჩემი აზრით არის უმთავრესი, ეს არის პატრიოტიზმი, ეს არის უშიშარობა და ეს არის მოუსყიდველობა. მილიარდელები ვერ იგებენ არჩევნებს, მილარდები არის უსუსური ქართველი ხალხის ნების წინააღმდეგ,’’ – განაცხადა თინათინ ბოკუჩავამ.
