საქართველოს მესამე პრეზიდენტმა, მიხეილ სააკაშვილმა ვიდეომიმართვისას განაცხადა, რომ სწორედ ,,ქართულმა ოცნებამ“ ქართველებს ჩაუკეტა შესასვლელი ისტორულ გარეჯში, როცა წინა ხელისუფლების დროს თავისუფლად შეეძლოთ მომლოცველებს მიმოსვლა. სააკაშვილმა ასევე აღნიშნა, რომ საქართველო კვლავ დაიბრუნებს ძველ დიდებას, როცა ქვეყანაში ხელისუფლება შეიცვლება:
,,ის რაც გუშინ მოხდა მარნეულში, ჟურნალისტების და ნაციონალური მოძრაობის აქტივისტების წინააღმდეგ, რაც მოხდა ორი დღით ადრე ბოლნისში და გლდანში ნაციონალური მოძრაობის წინააღმდეგ, ეს არის უტყუარი ნიშანი იმისა, რომ საქართველოში ნამდვილად მზადდება ხელისუფლების მშვიდობიანად შეცვლა, არჩევნების გზით 31 ოქტომბერს!
ის რაც იკადრეს ჩვენი უმნიშვნელოვანესი ძეგლის, ჩვენი უწმინდესი ადგილის გარეჯის მიმართ ეს არის დიდი ხნის წინ დაგეგმილი პროვოკაცია.
ჩვენს დროს ვერავინ ვერ გაბედავდა ქართველები არ შეეშვათ გარეჯში და ახლა ივანიშვილის დროს ქართველ მომლოცველებს, უბრალოდ საქართველოს მოქალაქეებს ჩაუკეტეს საქართველოს უმნიშვნელოვანეს ძეგლში შესვლა – და ეს მოხდა ამათ დროს!
ჩვენთვის, და ჩვენი ყველაზე მთავარი ფასეულობა და ჩვენ, ჩვენს ქვეყანას დავიცავთ ყველა სახის პროვოკაცისაგან.
საქართველოში ნამდვილად არ ბნელა, საქართველოში ნამდვილად გათენდება!“, – განაცხადა მიხეილ საააკშვილმა.