“სტრატეგია აღმაშენებლის” ლიდერის გიორგი ვაშაძის განცხადებით ქვეყნაში მძიმე ეკონომიკური მდგომარებაა, რაც ჩაფლავებული მთავრობის ჩაფლავებული გეგმის შედეგია. ვაშაძის თქმით, საქართველო კავკასიის რეგიონში ერთადერთი ქვეყანაა, სადაც ეროვნული ვალუტა კატასტროფულად უფასურდება და მოქალაქეები შიმშილის პირას არიან:
“საქართველოს ეკონომიკა უმძიმეს მდგომარეობაში იმყოფება. ლარის კურსი უფასურდება, 200 ათასი სამუშაო ადგილი დავკარგეთ, მცირე და საშუალო ბიზნესი გაკოტრებულია, კორონავირუსით ინფიცირებულთა რაოდენობა ყოველდღიურად იზრდება და ეს არის მაგალითი, ჩაფლავებული ეკონომიკური და ე.წ. ანტიკრიზისული გეგმისა, რომელიც ბატონმა გახარიამ, ჩაფლავებულმა პრემიერ-მინისტრმა შემოგვთავაზა და რითაც ძალიან იქებდნენ თავს,” – აცხადებს ვაშაძე და მოქმედი მთავრობის ხელში ლარის კურსის შემაშფოთებელ მომავალზე საუბრობს. ამასთან აღნიშნავს, რომ საქართველო ერთადერთი ქვეყანაა რეგიონში, სადაც ეროვნული ვალუტა სულს ღაფავს.
“საქართველოს თითოეული მოქალაქისთვის ნომერ პირველი პრობლემა ლარის კურსია, რომელიც ყოველდღიურად დრამატულად უფასურდება. 450 მლნ დოლარი, ჩვენი ფული მხოლოდ წელს დახარჯულია იმისთვის, რომ ლარის კურსი როგორმე გაამყარონ და შედეგი არის ნული, დღეს დოლარის კურსია 3.33 და ველოდებით კიდევ უფრო მეტად გაუფასურებას. სომხეთსა და აზეირბაჯინაში მთელი წლის მანძილზე 1%-იანი ცდომილება აქვს კურსს და დღესაც ასეა, საქართველოში კი 17%-ით გაუფასურდა ლარის კურსი ანუ თუ იტყვიან რომ ეს არის გლობალური პრობლემა ან რეგიონის, ეს არის ტყუილი.
ერთადერთი ქვეყანა ვართ რეგიონში, სადაც კატასტროფულად გაუფასურდა ვალუტა, ეს სწორედ საქართველოა. სამწუხაროა, მაგრამ ასეა! 3 მლრდ ლარით მეტის გადახდა მოუწევს საქართველოში ბიზნესს ან ფიზიკურ პირებს, რომლებსაც სესხი დოლარში ან ევროში აქვთ აღებული. შემაშფოთებელია ის ციფრი, რომელიც დღეს არის Bloomberg-ის საერთაშორისო ვალუტით ვაჭრობის ბირჟაზე. ისინი ამბობენ რომ ლარის კურსის საპროგნოზო მაჩვენებელი შეიძლება დაეცეს 3.80-მდე ანუ ლარის კიდევ უფრო კატასტროფულ გაუფასურებას წინასწარმეტყველებენ. ხელისუფლება ამბობს, რომ ეკონომიკა გამოდის კრიზისიდან ჩვენ კი, რეალურად ვხედავთ, რომ კიდევ უფრო მეტ კრიზისში შევდივართ,” – ამბობს ოპოზიციონერი ლიდერი და მიაჩნია, რომ ამ კრიზისიდან გამოსასვლელად საჭიროა გაჩნდეს მძლავრი პოლიტიკური მოლოდინი.
“ეს შესაძლებელია მხოლოდ და მხოლოდ ხელისუფლების ცვლილებამ გააჩინოს და ახალი კომპლექსური, სისტემური ეკონომიკური რეფორმების ახალმა ტალღამ, სწორედ ეს გვაქვს „სტრატეგია აღმაშენებლის“ გუნდს გათვითცნობიერებული. თუ მძლავრი და ახალი რეფორმები არ დაიწყო ქვეყანაში, თუ აქტიურად არ ვიმუშავეთ ინვესტიციების მოსაზიდად, არაფერი არ შეიცვლება.
ჩვენს მიერ წარმოდგენილია სამი პუნქტი:
1. სწრაფი, კომპლექსური და სისტემური ეკონომიკური რეფორმები;
2. ხელისუფლების ცვლილება აუცილებელია, სხვა შემთხვევაში არანაირი ნდობა და პოზიტიური განრიგი არ დაიწყება;
3. ჩვენ უნდა გადავიდეთ მულტისავალუტო რეჟიმზე (ლარი/ევრო საგადასამხდელო საშუალებად შემოღება). ამ გეგმით იქნება შესაძლებელი ლარის კურსის გადარჩენა“, – აცხადება გიორგი ვაშაძე.