„ნაციონალური მოძრაობის“ საბურთალოს ორგანიზაციის, დიდი დიღმის შტაბის წევრს, ნინია ცისკარიშვილს 24 სექტემბერს თავს დაესხნენ. აღნიშნულის თაობაზე ინფორმაცია დაზარალებულმა სააგენტო “პარალელს” მიაწოდა.
ცისაკრიშვილის განცხადებით, მას თავს ორი პიროვნება დაესხა, რომლებსაც ეცვათ შავი სამოსი და ეკეთათ ნაჭრის პიბადეები. იგი ასევე განმარტავს, რომ მისი გუნდის წევრებზე თავდასხმები მას შემდეგ დაიწყო, რაც აღმოაჩინეს, რომ „ქართულ ოცნებას“ საარჩევნო შტაბის ფართი კანონიერი ქურდისგან აქვს ნაქირავები.
„სახლის მიმავალ გზაზე, კუკიის ტერიტორიაზე, ათის წუთები იყო, როდესაც უკნიდან ორი პიროვნება მიახლოვდებოდა, ამ დროს ტელეფონი ამოვიღე, რომელიც ანაბეჭდის რეჟიმზე მაქვს დაბლოკილი, უბრალოდ არასწორად დავადე თითი და პინ-კოდი მომთხოვა. სანამ პინ-კოდი შევიყვანე, უკნიდან დამარტყეს და დავეცი, დაზიანებული მაქვს მუხლი. ამ პიროვნებებს ეცვათ შავი სამოსი და ეკეთათ არასამედიცინო, ნაჭრის პირბადეები.
პატრულში დარეკვის შემდეგ, მოვიდა სასწრაფოც. ჩამომართვეს ჩვენება. იქვე იყო კერძო კამერა და როგორც შსს-ს თანამშრომელმა თქვა, მოხდებოდა კამერის ჩანაწერის ამოღება. თუმცა, ზვიად კუპრავას მოსვლის შემდეგ, როცა იმ ოჯახში მივიდა, უთხრეს, რომ კამერა გაფუჭებულია და შესაბამისად ვერ მოხდებოდა ჩანაწერის ამოღება.
ჩვენი გუნდის წევრებზე თავდახმები მას შემდეგ დაიწყო, რაც გავარკვიეთ, რომ „ქართულ ოცნებას“ საარჩევნო შტაბის ფართი კანონიერი ქურდისგან აქვს ნაქირავები“, – განაცხადა ნინია ცისკარიშვილმა.
ავტორი
საბა გოგებაშვილი
