პოლიტიკურმა პარტიამ ‘’სტრატეგია აღმაშენებელი’’ ეკონომიკური გადარჩენის ექვსთვიანი გეგმა წარმოადგინა. ღონისძიებაზე სიტყვით გამოვიდა პარტიის პოლიტსაბჭოს წევრი თამთა შამათავა, რომელმაც ყურადღება გაამახვილა სახელმწიფოს მხრიდან უკანონოდ გაცემულ სუბსიდიებსა და საზღვრების ჩაკეტვით გამოწვეულ ფინანსურ დანაკარგებზე.
„ეფექტურმა მენეჯმენტმა“ ტურისტულ სექტორში დაგვანახა, რომ ყოველდღიურად ათი ათასობით ადამიანი კარგავს სამუშაო ადგილს. ჩაკეტილი საზღვარი ნიშნავს, კიდევ არაერთ დაკეტილ ობიექტს. ქუჩებში დაინახავთ წარწერებს, – დაკეტილია, ქირავდება, იყიდება. მოსახლეობამ შემოსავალი დაკარგა, საუბარია ორასი ათასზე მეტ ადამიანზე. რას აკეთებს ‘’დამსხვრეული ოცნებების’’ პარტია და გახარია?! პრემიერმა განაცხადა, რომ დაასუბსიდირებდნენ ტურისტულ სექტორს, სასტუმროების მეპატრონეებს, მცირე და საშუალო ბიზნესის წარმომადგენლებს, ამასთან სახელმწიფო ბიუჯეტიდან გასცემდნენ სუბსიდიას.
რეალურად სუბსიდირება მიიღეს კომპანიებმა: ყვარლის ედემმა და ზიმომ. საყურადღებოა, რომ ისინი არიან მმართველი პარტიის შემომწირველები და მათზე გაიცა მილიონობით ლარი. შესაბამისად, აღნიშნულმა კომპანიებმა წინასაარჩევნოდ კვლავ ‘’ქართულ ოცნებას’’ ჩაურიცხეს თანხა. ხელისუფლებაში, ოთხი ათასზე მეტი განაცხადი შევიდა დახმარების მოთხოვნით და მათგან ორი ათასზე მეტი დაახარვეზეს, განაცხადის არასწორად შევსების მიზეზით. ეს არის პასუხი?! შესული განაცხადებიდან კი დააკმაყოფილეს 519, თუმცა მათი დიდი ნაწილი ისევ „ქართული ოცნების“ მაღალჩინოსანია. მაგალითად, ზაქარია ქუცნაშვილი, გავრილოვის ღამის ერთ-ერთი შემოქმედი და კომპანიები, რომლებიც ტენდერებს არ იგებენ, მაგრამ კონტრაქტებს კონკრეტულ პირებთან მოლაპარაკებების გზით აფორმებენ. მათ შორის, ერთი, 19 მილიონიანი კონტრაქტია. სწორედ ასეთი კომპანიები მოხვდნენ გახარიას მიერ შერჩეულ 519 განაცხადში. ეს უნდა დავასრულოთ!
‘’სტრატეგია აღმაშენებლის’’ გუნდი ჯერ კიდევ აპრილის თვიდან ვითხოვთ, საზღვრების გახსნას კოვიდ პასპორტით. პეტიციაც შევიმუშავეთ, სადაც რამდენიმე ათასმა ადამიანმა დააფიქსირა აზრი და შემოგვიერთდა. სამწუხაროდ, ხელისუფლებას არ ესმის ხალხის ხმა. სწორედ ამიტომ, 31 ოქტომბერს უნდა დავასრულოთ ‘’დამსხვრეული ოცნებების’’ პარტია,’’ – განაცხადა თამთა შამათავამ.