„ლეიბორისტული პარტიის“ ახალგაზრდული ფრთის ხელმძღვანელი მიხეილ ქუმსიშვილის განცხადებით, როდესაც „ოცნების“ დროშები ჩამოხსნეს და მის ადგილას ხუთჯვრიანი დროშები დაკიდეს, მათ დაუპირისპირდნენ “ქართული ოცნების“ აქტივისტები და ახლა სისხლის სამართლის საქმისწარმოება გაუგებარია ვის მიმართ უნდა დაიწყოს:
„სისხლის სამართლის საქმე როდესაც დაწყებულია იმაზე, რომ „ქართული ოცნების“ დროშები იქიდან ჩამოვხსენით, სადაც არ უნდა ყოფილიყო და მათ ადგილას აღვმართეთ საქართველოს დროშები, ეს უკვე არის აბსურდი. ამას თუ გაგრძელება მოჰყვა, თუ სიტუაცია გართულდება ჩემი მეგობრებისთვის და პირადად ჩემთვის, მიუთთებს იმაზე რომ პოლიტიკური დაკვეთა არის წინა საარჩევნო პერიოდში, ცდილობენ ოპოზიციურად განწყობილი ახალგაზრდები მაქსიმალურად შეზღუდონ და შეაშინონ“, – განაცხადა მიხეილ ქუმსიშვილმა.
ავტორი
ემილი ფეიქრიშვილი
