გიორგი შაქარაშვილის მკვლელობის საქმის პროკურორმა დავით ყაზარაშვილმა განცხადება გააკეთა გარდაცვლილის ახალ ექსპერტიზასთან დაკავშირებით, რომლის მიხედვითაც გარდაცვლილის ხელის მტევნებზე და ფრჩხილებში ბრალდებულების დნმ-ის ნიმუშები არ დაფიქსირებულა. აღნიშნული ფაქტიდან გამომდინარე ვარაუდობენ, რომ თავად ბრალდებულებმა გააქრეს და წაშალეს ყველანაირი კვალი რაც მათ ხელთ იყო:
,,ექსპეტიზის დასკვნაში საუბარია იმაზე, რომ ბრალდებულების მიკრონაწილაკები არ აღმოჩნდა ტანსაცმელზე. რა თქმა უნდა ბრალდებულები, როდესაც ჩვენთან მოვიდნენ და ავიღეთ ნიმუშები, ფრჩხილები ფაქტიურად ყველას ჰქონდა დაჭრილი. ისინი მომზადებულები მოვიდნენ საგამომძიებლო ორგანოში. მათ პრაქტიკულად უკვე იცოდნენ, რომ არანაირი კვალი არ დაფიქსირდებოდა მათ ტანსაცმელზე. მათ არა მხოლოდ ტანსაცმელზე და სხეულზე, არამედ მობილურ ტელეფონებშიც წაშალეს შესაძლო მტკიცებულებები, რაც მათ ხელთ იყო და გამოძიებას მოუსპეს ყველა საშუალება, რომ ეს ნივთმტკიცებულებები ჩვენს ხელში აღმოჩენილიყო,“ – აღნიშნავს დავით ყაზარაშვილი.
ავტორი
ნინი ხიჯაკაძე
