პარასკევი, მარტი 29, 2024

აჭარა უკვე “წითელი ზონაა” და იქ ალბათ დამატებითი ღონისძებები იქნება გასატარებელი – მარინა ეზუგბაია

ინფექციური საავადმყოფოს სამედიცინო დირექტორი მარინა ეზუგბაიას ინფორმაციით, რეგიონში დაავადებამ ინტენსიური სახე მიიღო და შესაბამისად აჭარა ,,წითელ ზონა’’-დ გამოცხადდა:

,,გუშინ ქვეყანაში გახლდათ 1.684 დადასტურებული შემთხვევა. დაგვემატა 45 ახალი დადასტურებული შემთხვევა და დღეისათვის უკვე გვაქვს 1.729 ფაქტი.

ახალი დადასტურებული შემთხვევებიდან 3 არის “დონას” კლასტერი, 19 გახლავთ კონტაქტი დადასტურებულ შემთხვევებთან, 4 არის სამედიცინო პერსონალი “ავერსის” კლინიკიდან, 4 – შემოტანილი შემთხვევა, 1 – სატვირთო ავტომობილის მძღოლი, 12 არის აჭარაში მოგზაურობის ისტორიის მქონე და 3-ზე მიმდინარეობს ეპიდ. კვლევა წყაროსა და კონტაქტების დადგენის თვალსაზრისით. საერთო ჯამში, 45 დადასტურებული შემთხვევიდან, 23 უკავშირდება აჭარას. საყურადღებოა, რომ გვაქვს 5 ჯგუფური შემთხვევა, თბილისის ფართომასშტაბიანი ქორწილიდან. მხოლოდ 6-ით გაიზარდა გამოჯანმრთელებულების რიცხვი.

ჯერჯერობით ქვეყანა რჩება „მწვანე ზონაში“, რადგან ეს ინციდენტობა არის 10-ზე ნაკლები, მაგრამ ეპიდემიის პერიოდში 45 შემთხვევა ქვეყანაში პირველად დადასტურდა. აქედან გამომდინარე, შესაძლებელია, ვიფიქროთ, რომ დაავადებამ მიიღო ინტენსიური გავრცელება და ჩვენი ზომიერი, კონტროლირებადი მატება ეჭვისქვეშ დგება.

აჭარაში კიდევ უფრო სერიოზული მდგომარეობაა. იქ ინციდენტობის მაჩვენებელი 42,4-ია, რაც იმას ნიშნავს, რომ აჭარა უკვე ,,წითელი ზონაა’’ და იქ ალბათ დამატებითი ღონისძებები იქნება გასატარებელი, ეს არის რეკომენდაციების შესრულებასა და მათ აღსრულებაზე კონტროლის მექანიზმების გაძლიერება და ტესტირების უფრო მეტად გაფართოება’’, – განაცხადა მარინა ეზუგბაიამ.

ავტორი
ანა ბოგვერაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული