მოკლული გიორგი შაქარაშვილის ბიძას, ადვოკატ მირიან ნიკოლაძეს, გავრცელებულ ფარულ ჩანაწერებზე დაყრდნობით, უფრო მეტად განუმტკიცდა აზრი ჩადენილ დანაშაულსა და დამნაშავეებთან მიმართებაში. ამასთან ადვოკატი მიმართავს კონკრეტულ პირებს რომ ისევ ნუ დაიწყებენ მტკიცებას – ციხეში უდანაშაულონი ზიანო:
“ახლაც დაიმართეთ ისტერიკები, რომ “უდანაშაულო” ანგელოზები სხედან ციხეში.
ჩვენზე მეტად მგლოვიარეები და ობიექტურები ხომ იყავით და ახლა რევაზიშვილს და ხომასურიძეს შეეჯიბრეთ მკვლელობის დეტალების ცოდნაში, აბა, თქვენ იცით.
ფარული ჩანაწერი
________________________
რევაზიშვილი: “მე იმის მეშინოდა, ჩვენი დნმ-ი არ ამოსულიყო ჩანთაზე, თორემ პირდაპირი მტკიცებულება იქნებოდა და აღარაფერი გვეშველებოდაო“.
არასრულწლოვანი ზ.ხ გიორგის ცემასა და მკვლელობაზე: “ვეხვეწებოდი ჩემებს დაანებეთ თავი, მაგრამ არ ჩერდებოდნენო“.
მუქარებზე, სამომავლო დანაშაულებზე და ანგარიშსწორებებზე აღარაფერს ვამბობ…
მიდით, გაათეთრეთ მკვლელები თქვე ნაგავებო, დღეის შედეგ ხმა როგორღა უნდა ამოიღოთ!” – წერს მირიან ნიკოლაძე ფეისბუქის პირად გვერდზე.