„ლელო საქართველოსთვის“ თავმჯდომარემ, მამუკა ხაზარაძემ, ლელოს „მარშალის გეგმის” – საქართველოს რეკონსტრუქციის პროგრამის პრეზენტაცია გამართა. აღნიშნული გეგმა საქართველოს ეკონომიკის ძირეულ რეკონსტრუქციას გულისხმობს. „ლელოს“ ლიდერმა დეტალურად ისაუბრა საქართველოს რეგიონის ფინანსურ და კულტურულ ცენტრად ქცევის შესახებ.
“ლელოს” სტრატეგიული დოკუმენტის მთავარ მესიჯებია:
1. ძლიერი საშუალო ფენა. 600 000 ადამიანი 3 000 ლარზე მეტი თვიური შემოსავალით და 200 000 ახალი სამუშაო ადგილი;
2. გლეხი ძლიერ ფერმერად და არცერთი გოჯი დაუმუშავებელი მიწა საქართველოში;
3. არცერთი მარტოხელა მოხუცი სახელმწიფო ზრუნვის გარეშე;
4. გარანტირებული პირველი სამსახური ყველა ახალგაზრდას და ახალგაზრდა ოჯახებისთვის პირველი სახლის თანადაფინანსება;
5. სახელმწიფო სამედიცინო დაზღვევა ყველა ოჯახს კერძო სადაზღვეო კომპანიის ჩართულობით;
6. მეტი ეკონომიკურად დამოუკიდებელი და ძლიერი ქალი ქვეყნის მართვის სადავეებთან.
ავტორი
მახო ზავრაშვილი