ყველა პროექტის განხორციელებისას აუცილებელია სანიაღვრე სისტემების მოწყობა – კახა კალაძე

33

თბილისის მერიაში გამართულ მთავრობის სხდომაზე კახი კალაძემ აუდიტის სამსახურს გლდანში, ხიზანიშვილისა და ვეკუას ქუჩებზე განხორციელებული პროექტის მოკვლევა დაავალა.

დედაქალაქის მერის, კახი კალაძის განცხადებით, აუცილებლად უნდა მოწესრიგდეს სანიაღვრე სისტემა, რადგან სანიაღვრე ცხაურები ნაგვით არ გადაივსოს:

მეც მაქვს ასევე ფოტოები იმასთან დაკავშირებით, რა ხდებოდა სანიაღვრე ცხაურებზე იმ დღეს და როგორ იყო გადავსებული. ეს გამოწვეული იყო წყალუხვობით, თუმცა ესეც აუცილებლად უნდა მოწესრიგდეს და უნდა მოგვარდეს, რომ ნაგვით გადავსება არ მოხდეს. შეიძლება უფრო დიდი ცხაურების დაყენება იყოს საჭირო“, – განაცხადა კახა კალაძემ.

თბილისის მერმა კახა კალაძემ აღნიშნა, რომ გლდანის მიკრორაიონებში შემავალი ქუჩების პროექტირება და სამუშაოების ეტაპობრივი განხორციელება უნდა მოხდეს, რათა სანიაღვრე სისტემა მოწესრიგდეს.

“მიუხედავად იმისა, რომ ამ ორი ცენტრალური ქუჩის რეაბილიტაცია განხორციელდა, ჩვენ გვაქვს სერიოზული პრობლემები მიკრორაიონებში ამსვლელ-ჩამომსვლელ გზებზე, სადაც არანაირი სანიაღვრე სისტემა არ არსებობს და თუ არსებობს, მოძველებულია და მათი გამტარუნარიანობა არის ძალიან დაბალი. შესაბამისად, აუცილებელია, რომ დღესვე დაიწყოთ დაპროექტება და სამუშაოების განხორციელება ამ ქუჩებზე ეტაპობრივად. სანიაღვრე სისტემა არ არსებობს ამ ქუჩაზე, რაც ნალექი მოდის ვეკუასა და ხიზანიშვილის ქუჩაზე ჩამოდის.

ეზოებშიც სრული კატასტროფა გვაქვს. შესაბამისად, გამგეობასაც მინდა დავავალო ყველა პროექტის განხორციელებისას სანიაღვრე სისტემების მოწყობა, მოწესრიგება, რომ ეზოები არ დაიტბოროს.

სწრაფად უნდა დაიწყოთ მოკვლევა და ნახოთ, ორივე ცენტრალური ქუჩაზე სად არის დაზიანება. ჩვენი შიდა აუდიტის სამსახურიც დაიწყებს მოკვლევას“, – განაცხადა კახა კალაძემ.

ცნობისთვის, გლდანში, ხიზანიშვილისა და ვეკუას ქუჩაზე ახალრეაბილიტირებულ საავტომობილო ნაწილზე ასფალტის საფარი ჩაინგრა. ხიზანიშვილის ქუჩის ნაწილზე საავტომობილო მოძრაობა დროებით შეზღუდულია.

ავტორი
მარიკა ხორავა

კომენტარები