პარასკევი, მარტი 29, 2024

ადვოკატები ცდილობენ სიტუაციის არევას და სიტუაციიდან დაძვრენას – დიჯეი კოკო, გიორგი შაქარაშვილის მკვლელობის საქმის მოწმე

მცხეთის რაიონულ სასამართლოში გიორგი შაქარაშვილის საქმეზე ბრალდებული არასრულწლოვნების პროცესი 31 აგვისტომდე გადაიდო.

მცხეთის რაიონულ სასამართლოში მოწმის სახით უნდა დაეკითხათ კონსტანტინე ღიბრაძე, იგივე დიჯეი კოკო, თუმცა სხდომა გადაიდო დაცვის მხარის მოთხოვნით. კონსტანტინე ღიბრაძე აცხადებს, რომ კონკრეტული პიროვნებები და ადვოკატები მის წინააღმდეგ საინფორმაციო ომი აწარმოებენ:

რა თქმა უნდა, იმ ინფორმაციის მიწოდებას ვაპირებდი, რაც აქამდე მქონდა მიწოდებული საგამოძიებო ორგანოებისთვის და იგივე, რაც პირველ და მეორე ჩვენებაში მიწერია.

რა თქმა უნდა ადვოკატებისგან არის უბრალოდ თითის გაშვერა ჩვენკენ, ვინაიდან არცერთ კითხვაზე არ აქვთ მათ პასუხი. უბრალოდ, ცდილობენ სიტუაციის არევას და სიტუაციიდან დაძვრენას.

რაც შეეხება იმ საინფორმაციო ომს, რასაც კონკრეტული პიროვნებები და ადვოკატები აწარმოებენ, ვინაიდან ჩვენ ხშირად არ ვთანამშრომლობთ მედიასთან, ეს იმას არ ნიშნავს, რომ სიმართლის დადგენა არ გვინდა, ან არ გვინდა დაისაჯონ ის პირები, ვინც გიორგის მკვლელობაში მონაწილეობენ. ხოლო ეს ყველაფერი გამოწვეულია იქიდან, რომ მედიის საშუალებითაც ხდება ამით მანიპულირება და ჩემთვის პირადად, როგორც მოწმისთვის მიუღებელია ეს,” – განაცხადა კონსტანტინე ღიბრაძემ.

ავტორი
თამუნა მახარაშვილი

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული