„ერთიანი საქართველოს“ ლიდერმა ნინო ბურჯანაძემ განაცხადა, რომ ყველა ოპოზიციური პარტია არჩევნების გაყალბების წინააღმდეგ დაირაზმება. მისი განმარტებით, ყველა პარტიის წარმომადგენელი შტაბს შექმნის და არჩევნების დღეს ქოლცენტრი იმუშავებს:
„ეს არის ნამდვილად სიგნალი ხელისუფლებისთვის, რომ არ გაბედოს არჩევნების გაყალბება, წინააღმდეგ შემთხვევაში ყველა ოპოზიციური პარტია არჩევნების გაყალბების წინააღმდეგ დაირაზმება. აქ ვეღარ მოხერხდება ის, რაც 2016 წელს შეძლო ბიძინა ივანიშვილმა.
კონკრეტული შტაბი შეიქმნება, სადაც წარმოდგენილი იქნება ყველა პარტიის წევრი.
არჩევნების დღეს იმუშავებს ქოლცენტრი, სადაც პოლიტიკური ორგანიზაციის ყველა წარმომადგენელი დარღვევების შესახებ ინფორმაციას მოგვაწვდიან და შესაბამისად ყველა პოლიტიკური ორგანიზაცია კოორდინირებულად იმოქმედებს”, – განაცხადა ნინო ბურჯანაძემ.
ავტორი
მარიკა ხორავა
