საზოგადოებრივი მაუწყებლის შენობიდან თანამშრომლების ევაკუაცია განხორციელდა. ტელეკომპანიაში ზარი შევიდა შენობაში ბომბის არსებობის შესახებ, ადგილზე შესაბამისი სამსახურები მუშაობენ:
„საქართველოს პირველი არხის ცხელ ხაზზე ცოტა ხნის წინ შემოვიდა ზარი ბომბის არსებობის შესახებ.
ამის გამო, საქართველოს პირველი არხის შენობიდან თანამშრომლების ევაკუაცია განხორციელდა.
არხის ადმინისტრაციამ მიმართა შსს-ს და ამ დროისთვის, საქართველოს პირველი არხის შენობაში შესაბამისი სამსახურები მუშაობენ.
საქართველოს პირველი არხის ტელე და რადიოეთერი შეფერხების გარეშე გრძელდება“, – ინფორმაციას საზოგადოებრივი მაუწყებელი ავრცელებს.
ავტორი
მარიკა ხორავა
კომენტარები - დატოვეთ თქვენი მოსაზრება