ოფიციალური თბილისი ბელარუსში განვითარებულ მოვლენებს ეხმაურება საქართველოს საგარეო საქმეთა სამინისტრო, 16 აგვისტოს, თბილისი-მინსკის რეისს და ბელარუსში განვითარებულ მოვლენებს ეხმაურება. უწყება აღნიშნავს, რომ ბელარუსი საქართველოს სტრატეგიული პარტნიორია და მნიშვნელოვანია, რომ ყველაფერი სწორი მიმართულებით განვითარდეს:
“ბელარუსის რესპუბლიკაში საქართველოს საგანგებო და სრულუფლებიანი ელჩი მ.წ. 6 აგვისტოდან იმყოფებოდა საქართველოში.
ბოლო დღეებში ბელარუსის რესპუბლიკაში განვითარებული მოვლენების გამო საჭირო გახდა მისი მყისიერი დაბრუნება მინსკში.
გამომდინარე იქიდან რომ ბელარუსთან შეზღუდულია საჰაერო მიმოსვლა და ელჩი საჭიროებდა მოკლე დროში მინსკში ჩასვლას მიღებულ იქნა გადაწყველება მისი სამთავრობო თვითმფრინავით გამგზავრების შესახებ.
ბელარუსის რესპუბლიკა არის საქართველოს მეგობარი ქვეყანა, რომელთანაც გვაკავშირებს მჭიდრო თანამშრომლობა როგორც ორმხრივ ფორმატში, ასევე აღმოსავლეთ პარტნიორობის ინიციატივის ფარგლებში. შესაბამისად, ყურადღებით ვაკვირდებით მოვლენების განვითარებას. აღნიშნულ საკითხზე ჩვენ მჭიდრო კოორდინაციაში ვართ ჩვენს პარტნიორებთან.
ჩვენი აზრით, აუცილებელია ბელარუსში პრობლემები გადაწყდეს მშვიდობიანად. იმედი გვაქვს, ბელარუსი ხალხი მისი მომავლისათვის მნიშვნელოვან საკითხებს თავად, მშვიდობიანად გადაწყვეტს,” – ნათქვამია საგარეო უწყების განცხადებაში.
ავტორი
მახო ზავრაშვილი
