ვაკეში, ჭავჭავაძის გამზირზე შეცვლილი მოძრაობის გამო გამოწვეულ დისკომფორტზე საუბრობს ინტერნეტგამოცემა “ტაბულას” დამფუძნებელი და მთავარი რედაქტორი თამარ ჩერგოლეიშვილი:
“დილის ოთხ საათზე ამას რომ ვწერ, არაა მთლად ნორმალური, მაგრამ ძალიან ჩამრჩა არაყიშვილის და ჭავჭავაძის კუთხიდან, არაყიშვილის და აბაშიძის კუთხემდე მისასვლელად, საბურთალოზე რომ გავედი.
და გარემოსდამცველთა აზრი მაინტერესებს – ამ დროს მეტი გამონაბოლქვი არ ავტყორცნე ატმოსფეროში?
ვინც მეტყვის, რომ ეს ყოველივე ფეხით მოსიარულისთვის გაკეთდა და მანქანა ბურჟუებისთვისაა, აქვე გეტყვით რომ არცერთი დადიხართ ფეხით იმდენს, რამდენსაც მე – ამაში ვარ დარწმუნებული, მე იმდენს დავდივარ.
მოკლედ, ფეხით იმდენი მივლია, რამდენიც კახი კალაძეს ურბენია.
და იმაზე კიდევ ათჯერ მეტს გავივლი, ვიდრე კახი კალაძე სიცოცხლის ბოლომდე გაივლის.
მაგრამ ის რაც ჭავჭავაძეზე ხდება არის აბსურდის თეატრი. ლუის კეროლის სიუჟეტი“, – თამარ ჩერგოლეიშვილი.
