დაავადებათა კონტროლის ეროვნული ცენტრის დირექტორის მოადგილე, პაატა იმნაძე აცხადებს, რომ მესტიაში კორონავირუსის გავრცელება ერთ კერასთან არის დაკავშირებული. მან ასევე აღნიშნა, რომ აუცილებელია უსაფრთხოების ყველა წესი დაიცვას თითოეულმა მოქალაქემ:
“30 შემთხვევა დაკავშირებული ერთ კერასთან. ეს არის ძალიან ბევრი. ამიტომ ის ღონისძიებები, რაც გატარდა მესტიის მუნიციპალიტეტში იყო ძალიან ოპერატიულად იყო, ძალიან მნიშვნელოვანი იმისათვის, რომ მაქსიმალურად მომხდარიყო შეკავება. მაგრამ ყველამ ძალიან კარგად უნდა იცოდეს, რომ თუ ასეთი ქვეყანაში რამდენიმე წერტილში გაჩნდება, დაავადების შეკავება შეუძლებელი გახდება. არცერთი რესურსი იმას არ ეყოფა, რომ ყველა მუნიციპალიტეტში მსგავსი ღონისძიებები გატარდეს“, – განაცხადა პაატა იმნაძემ.
ცნობისთვის, კორონავირუსის მაღალი რისკის გამო მესტიის მუნიციპალიტეტი 10 აგვისტოს ჩაიკეტა. სოფელ ლენჯერში ჩასულმა ერთ-ერთმა პირმა სხვა 16 პირი დააინფიცირა. მუნიციპალიტეტში ამ დრომდე ტარდება ტესტირებები, ტურისტები საკარანტინე სივრცეებში გადაიყვანეს და აფთიაქების, სასურსათო მაღაზიების, ბანკებისა და ღია კვების ობიექტების გარდა, ყველა დაწესებულება დახურულია. ამ კლასტერიდან სულ ჯამში უკვე 30 ადამიანია ინფიცირებული.
ავტორი
მახო ზავრაშვილი
