“მთავარ არხს” და “ფორმულას” მე ვუწოდებ “პუტინისტებს”, თქვენ განაპირობეთ პუტინის შემოსვლა საქართველოში – ირაკლი ღარიბაშვილი

213

მუხათგვერდის ძმათა სასაფლაოზე ჟურნალისტებთან ინტერვიუში საკმაოდ მწვავე განცხადება გააკეთა საქართველოს თავდაცვის მინისტრმა ირაკლი ღარიბაშვილმა. მან “მთავარ არხს” და “ფორმულას” მიმართა და “პუტინისტები” უწოდა, ხოლო წინა ხელისუფლებას რუსეთის აგრესიის ხელშეწყობასა და ომის დაწყებაში ადანაშაულებს:

რუსული ოკუპაცია განაპირობა თქვენმა ბელადმა, მიხელ სააკაშვილმა და თქვენი ტელევიზიის დამფინანსებელმა კეზერაშვილმა, რომელმაც ჩვენი გმირი ჯარისკაცები მიატოვა ომში, ცხინვალში. ჯარისკაცი გმირები, რომლებიც გმირულად იბრძოდნენ და თავი გაწირეს, ჩვენი ქვეყნისთვის. თქვენ ამ კითხვას როგორ სვამთ, მაინტერესებს ძალიან, მითუმეტეს მაშინ, როცა წინა ხელისუფლების წარმომადგენლები ყოველთვის 8 აგვისტოს ამოდიოდნენ აქ?!

რატომ განიხილავთ ზოგადად ამ საკითხს – ეგ არის გაუგებარი?!

მე ჟურნალისტებს არ ვუწოდე “პუტინისტები”, ასე მე ვუწოდე “მთავარ არხს” და “ფორმულას”, იმიტომ რომ თქვენ განაპირობეთ პუტინის შემოსვლა საქართველოში“, – განაცხადა თავდაცვის მინისტრი ირაკლი ღარიბაშვილი.

ავტორი
თამუნა მახარაშვილი

კომენტარები