სახელმწიფო ინსპექტორი ლონდა თოლორაია აცხადებს, რომ თამარ ბაჩალიაშვილის საქმეზე გავრცელებულ ინფორმაციას, რომელიც შეიცავს შუალედური გამოძიების მასალებს, სახელმწიფო ინსპექტორის სამსახური შეისწავლის.
ამასთან, სახელმწიფო ინსპექტორი აღნიშნავს, რომ მედიასაშუალებების მიერ გავრცელდა დოკუმენტები, სადაც იდენტიფიცირებულია და ხელმისაწვდომია კონკრეტულ პირთა მონაცემები:
“მედია საშუალებებით გავრცელდა სხვადასხვა ტიპის დოკუმენტები, რომლებიც შეიცავს კონკრეტული ფიზიკური პირების, განსაკუთრებული კატეგორიის მონაცემებს. როგორც მოგეხსენებათ, სახელმწიფო ინსპექტორის სამსახურის ერთ-ერთი ფუნქციაა პერსონალურ მონაცემთა დამუშავების კანონიერებაზე კონტროლი, შესაბამისად, ჩვენ დავიწყეთ შემოწმება, თუ საიდან მოხდა ამ მონაცემების გასაჯაროება და იყო თუ არა, იმ უწყებებში დაცული მონაცემთა უსაფრთხოების ზომებია, ვისაც ხელი მიუწვდებოდათ აღნიშნულ დოკუმენტებზე,”- აცხადებს სახელმწიფო ინსპექტორი ლონდა თოლორაია.
ავტორი
თამუნა მახარაშვილი
