პარტია „კანონი და სამართლის“ თავმჯდომარემ თაკო ჩარკვიანმა, ,,ახალი საქართველოს“ ლიდერ გიორგი ვაშაძესთან საარჩევნო ბლოკის შექმნასთან დაკავშირებით კომენტარი გააკეთა და აღნიშნა, რომ საზოგადოებას მხოლოდ ორი შესაძლებლიდან მოუწევს არჩევანის გაკეთება: სიღარიბე თუ ახალი სამართლით გაჯერებული ქვეყანა:
,,დღეს ქუჩაში, რომ გავიდეთ პირველი კითხვა რასაც მოვისმენთ არის – რა გვეშველება? რა იქნება? ასეთი უძრაობა აღარ შეგვიძლია! პოლიტიკური ოპონენტებიც კი ამბობენ, შეიძლება ხმამაღლა არა, მაგრამ თავადაც იციან, რომ ,,ოცნებები ჩამოგვამხეს” თავზე, რომელიც დაიმსხვრა. ამიტომ მე ვფიქრობ, რომ დღეს მხოლოდ თეორეტიკოსი პოლიტიკოსების დრო არ არის, დღეს უფრო იმ პრაქტიკოსი პოლიტიკოსების დროა, რომლებსაც უკვე გაუკეთებიათ პროექტები და წარმატებული ყოფილა. ოქტომბერში დიდი არჩევანი არ დასჭირდება ჩვენს ქვეყანას. სიახლეს ელოდება საზოგადოება და ეს არჩევანი იქნება: სიღარიბე თუ ახალი სამართლით გაჯერებული საქართველო.
რაც შეეხება ,,სტრატეგია აღმაშენებელს” ეს სახელი შემთხვევითობა არ არის. ეს არის ,,აღმშენებლობის გზა”, სიახლე, სამართალი, რომელიც ჩვენს ქვეყანას აკლია. ეს არ არის ჩაკეტილი ბლოკი, პირიქით ჩვენი კარები ყველასთვის ღიაა. დღევანდელი პრეზენტაცია, არის მოთელვა და ორიენტირებულია 30 რიცხვისთვის, სადაც ყველას გელოდებით.
მგონი ყველა კვლევამ აჩვენა, რომ რაღაცის მოლოდინი აქვთ ადამიანებს და მეც, ჩემთვის თითზე ჩამოსათვლელ პრაქტიკოს პოლიტიკოსებს შორის, არჩევანი გიორგი ვაშაძეზე შევაჩერე,” – განაცხადა თაკო ჩარკვიანმა.
ავტორი
ქეთა გაბრიაძე
