ნიკა გვარამიამ ქარტიის პირველი პრინციპი (სიზუსტე) დაარღვია – საქართველოს ჟურნალისტური ეთიკის ქარტია

72

საქართველოს ჟურნალისტური ეთიკის ქარტიამ, ტელეკომპანია ,,მთავარი არხის“ გენერალურ დირექტორს, ნიკა გვარამიას ჟურნალისტური ქარტიის პირველი პრინციპის (სიზუსტის) დარღვევა დაუდასტურა. სარჩელი ავთანდილ ბილანიშვილის, იგივე ,,კაწროს“ მეუღლემ, ნათია რუხაიამ შეიტანა:

,,საქართველოს ჟურნალისტური ეთიკის ქარტიის საბჭოს გადაწყვეტილებით, ნიკა გვარამიამ ქარტიის პირველი პრინციპი (სიზუსტე) დაარღვია.

მის წინააღმდეგ ქარტიას ნათია რუხაიამ მომართა. მხარე სადავოდ ხდიდა 2020 წლის 7 ივლისს ნიკა გვარამიას მიერ გავრცელებულ ინფორმაციას, რომ გიორგი შაქარაშვილის საქმეზე არსებულ კადრებში თეთრპერანგიანი ახალგაზრდა მამაკაცი, შესაძლოა, ავთანდილ ბილანიშვილი ყოფილიყო.

მხარე ასევე დავობდა ქარტიის მესამე (დადასტურებული წყარო) და მეთერთმეტე (ფაქტის განზრახ დამახინჯება) პრინციპების დარღვევაზე, მაგრამ საბჭომ ამ ნაწილზე დარღვევა არ დაადგინა,“ – ნათქვამია ჟურნალისტური ეთიკის ქარტიის განცხადებაში.

შეგახსენებთ, რომ ნიკა გვარამიას წინააღმდეგ, ავთანდილ ბილანიშვილის, იგივე ,,კაწროს“ მეუღლემ, ნათია რუხაიამ სარჩელი 2020 წლის 7 ივლისს, ნიკა გვარამიას მიერ გავრცელებულ ინფორმაციასთან დაკავშირებით შეიტანა, რომლის თანახმადაც გიორგი შაქარაშვილის მკვლელობაში ,,კაწროს” ჩართულობა იკვეთებოდა.

ავტორი
ქეთა გაბრიაძე

კომენტარები