ჟურნალისტი ბონდო მძინარაშვილი, სოციალურ ქსელ ,,ფეისბუქის“ პირად გვერდზე, ბოლო დროს მომხდარ უბედურ შემთხვევებში ჟურნალისტების აქტიურობას არაეთიკურ ჩართულობად მიიჩნევს და აღნიშნავს, რომ გარდაცვლილების მიმართ ამგვარი გულგრილი დამოკიდებულება სოციალური ავადმყოფობაა:
,,მიცვალებულთა მიმართ გულგრილობა საშინელი სოციალური ავადმყოფობაა. თუ მას არ ვუმკურნალეთ, ვერასოდეს ავაშენებთ ნამდვილად დემოკრატიულ, ჰუმანურ საზოგადოებას. ჰუმანურობა, უწინარესად, მიცვალებულთა პატივისცემას გულისხმობს.
მკვლელობიდან – დაკრძალვამდე, ყოველდღე ფეხდაფეხ მისდევენ ჭირისუფალს! ფეხდაფეხ!
ვინ ადგენს ამ ტელევიზიების დღის წესრიგს?! რით შეიძლება გაამართლოთ ეს, რბილად რომ ვთქვათ, გონებაშეზღუდულობა?!
ახლა ამ კოლექტიური მედიაშიზოფრენიისა და გვარამიას მსგავსი ჟურნალისტებად წოდებული სოციოპათებისგან საზოგადოების დაცვაა საჭირო!,” – წერს ბონდო მძინარაშილი.
ავტორი
ქეთა გაბრიაძე
