პარტიზანული მებაღეობის წევრი, სამოქალაქო აქტივისტი ნატა ფერაძე შინაგან საქმეთა სამინისტროს პირადი სატელეფონო ზარების უკანონო მოსმენებში ადანაშაულებს და სოციალურ ქსელში კონკრეტულ ვიდეოებს ავრცელებს გამოთქმული ბრალდების დასამტკიცებლად:
“შინაგან საქმეთა სამინისტრო, რატომ გვისმენთ ტელეფონებზე?? ისედაც ყველაფერს ვწერ ფბ-ზე, სად რა აქციას ვაპირებ. (ხვალ ვწამლავთ ცაცხვებს 23:00).
ეს კი დღეს გაგტესტეთ, გვისმენთ თუ არა.
გიორგი ფხალაძეს დავურეკე (წინასწარ შეთანხმებულად) და ვუთხარი, რომ მზიურთან, კალაძის სახლთან ვაპირებდით ბენზინის გადასხმას და თავის დაწვას.
დათქმულ დროს ჩავიარე ადგილზე მანქანით, სადაც პოლიციის მობილიზაცია იყო,” – წერს ნატა ფერაძე ფეისბუქის პირად გვერდზე და ავრცელებს კონკრეტულ ვიდეოებს.
