გიორგი შაქარაშვილის საქმის ერთ-ერთი მოწმის, იაკობ ბრეგვაძის ადვოკატი, ირმა ჭკადუა ჟურნალისტებთან კომენტარში აცხადებს, რომ მისი დაცვის ქვეშ მყოფი აუცილებლად მიიღებს მონაწილეობას საგამოძიებო ექსპერიმენტში, რომ შეწყდეს სპეკულაციები და ბავშვი თვითმკვლელობამდე არ მიიყვანონ:
“ამოღებულია კამერა, მას ჩაუტარდება ექსპერტიზა, შეუძლიათ საერთაშორისო ექსპერტიზები ჩაატარონ.
ჩვენ ვაპირებთ შემთხვევის ადგილზე ჩასვლას, იმ დროის, როდისაც იაკობი იქ იმყოფებოდა, გადავიღებთ იქ ყველაფერს, სად იმალებოდა, როგორ იმალებოდა.
თურმე იმხელა ღობეა, რომ იმ ღობეზე ვერ გადახტებოდა. აუცილებლად გადახტება ჟურნალისტების თვალწინ და ყველაფერს გაიმეორებს იმისთვის, რომ შეწყდეს სპეკულაციები.
ისე არ გააკეთოთ რომ ეს ბავშვი თვითმკვლელობამდე მივიყვანოთ,” – აცხადებს ადვოკატი ირმა ჭკადუა.
კომენტარები - დატოვეთ თქვენი მოსაზრება