პოლიტიკური პლატფორმა „ახალი საქართველოს“ ლიდერი გიორგი ვაშაძე ავლაბარში მოსახლეობას შეხვდა და მათ პრობლემებს გაეცნო, ოპოზიციონერი ლიდერის განმარტებით მაცხოვრებლებს ავარიულ სახლებში, სიცოცხლისათვის საშიშ პირობებში უწევთ ცხოვრება და სადაც 2012 წლამდე მოვიდა რეაბილიტაციის პროექტი, იქ არის გაჩერებული დღესაც.
„ავლაბარში, ძველი თბილისის ერთ-ერთ ყველაზე საინტერესო ადგილას ვიმყოფები, ადგილი საინტერესოა ასევე ტურისტებისათვის და ინვესტორებისათვის, მახსოვს როდესაც 8 წლის წინ და ასევე 4 წლის წინაც მოვინახულე ტერიტორია, უარესდება და უარესდება მდგომარეობა. მოსახლეებს ავარიულ სახლებში, სიცოცხლისათვის საშიშ პირობებში უწევთ ცხოვრება. პირდაპირ გეტყვით უპატრონოდ არიან მიტოვებულები.
ზოგადად ავლაბარს საოცარი პერსპექტივა აქვს, 8 წლის წინ, როგორც ჩაბარდა „ქართულ ოცნებას“ ისევეა გაყინული ყველაფერი. ასეთ პირობებში ხალხი არ უნდა ცხოვრობდეს! სადაც 2012 წლამდე მოვიდა რეაბილიტაციის პროექტი, იქ არის გაჩერებული დღესაც და ინგრევა ყველაფერი. უპატრონობაა ქვეყანაში და ამ უპატრონობის მსხვერპლი ვართ აბსოლუტურად ყველა,“ – განაცხადა გიორგი ვაშაძემ.
ავტორი
თამთა ასლანიშვილი