ბიძინა ივანიშვილის შესაძლო ყოფნას “ქართული ოცნების” საარჩევნო სიაში “ახალი საქართველოს” თავმჯდომარე გიორგი ვაშაძე ეხმაურება და აღნიშნავს, რომ ივანიშვილი სიაში ყოველთვის იყო და ის არის პრემიერიც, პარლამენტიც და მოსამართლეც. ოპოზიციონერი ლიდერის განმარტებით არსებობს ერთადერთი ადამიანი ბიძინა ივანიშვილი და პატარა კორუმპირებული, უუფლებო ხელის ბიჭები, რომლებიც ოლიგარქს გარშემო ჰყავს შემოკრებილი:
„რაღა უჭირთ ბიძინა ივანიშვილი თუ იქნება სიაში. ივანიშვილი სიაში ყოველთვის იყო, პრემიერიც ის არის, მინისტრიც, მოსამართლეც, პარლამენტიც და საერთოდ ყველაფერი.
„ქართულ ოცნებაში“ ვინმე სხვა რამეს წარმოადგენს?! დღეს, რომ გახარია დაიბაროს ივანიშვილმა და უთხრას: სასწრაფოდ გაფრინდი მოსკოვში და არ დაგინახო საქართველოში, გახარია უპრობლემოდ გაფრინდება. საერთოდ არ მაინტერესებს რას აპირებენ, ბიძინა ივანიშვილის გამო სანქციები დაგვიწესეს.
არ არსებობს არანაირი „ქართული ოცნება“, როგორც პოლიტიკური ძალა, არ არსებობს არანაირი პრემიერებები და მინისტრები, არსებობს ერთადერთი ადამიანი ბიძინა ივანიშვილი და პატარა კორუმპირებული, უუფლებო ხელის ბიჭები, რომლებიც ოლიგარქს გარშემო ჰყავს შემოკრებილი,“ – განაცხადა გიორგი ვაშაძემ.
ავტორი
თამთა ასლანიშვილი