ქვეყნის პრეზიდენტი სალომე ზურაბიშვილი, საქართველოს საკალათბურთო ნაკრების კაპიტნის, თორნიკე შენგელიას მოსკოვის “ცსკა”-ში გადასვლას ფეისბუქ პოსტით ეხმაურება:
“ჩემთვის სამწუხარო და როგორც საქართველოს პრეზიდენტისთვის მიუღებელია, საქართველოს საკალათბურთო ნაკრების კაპიტნის გადაწყვეტილება მოსკოვის “ცსკა”-ში გადასვლასთან დაკავშირებით,” – ვკითხულობთ პრეზიდენტის მიერ გავრცელებულ განცხადებაში.
ცნობისთვის,თორნიკე შენგელიამ ესპანური “ბასკონია” 6 წლის შემდეგ დატოვა და რუსულ “ცსკა”-ში გადავიდა. ეს ფაქტი თავად ესპანურმა კლუბმა სოციალურ ქსელში დაადასტურა და ქართველ კალათბურთელს “ბასკონიაში” გატარებული დროისთვის მადლობა გადაუხადა. ინფორმაცია მოსკოვური კლუბის ოფიციალურმა “twitter” გვერდმაც დაადასტურა. საქართველოს ეროვნული ნაკრების კაპიტანი რუსული არმიის კლუბში მომავალი 3 წლის განმავლობაში ითამაშებს.
ავტორი
მახო ზავრაშვილი