“სუს-ის საქმე ნამდვილად არ არის მედია როგორი სახის სიუჟეტებს მოამზადებს” – ნინო ლომჯარია

სახალხო დამცველი ნინო ლომჯარია „მთავარი არხის“ რეპორტაჟთან დაკავიშრებით დაწყებულ გამოძიებას, რომელიც სახელმწიფო უსაფრთხოების სამსახურში, საბოტაჟის მუხლით მიმდინარეობს, მედიასა და ჟურნალისტურ საქმიანობაზე ზეწოლად აღიქვამს, ასევე ომბუდსმენი აღნიშნავს, რომ სუს-ის საქმე არ არის მედია რა სახის სიუჟეტებს მოამზადებს

„ჩვენ გამოვითხოვეთ ინფორმაცია სახელმწიფო უსაფრთხოების სამსახურისგან კონკრეტულად რა ფაქტებს შეეხებოდა და როდის დაიწყო გამოძიება. მიღებული პასუხები არ იყო კავშირში რამოდენიმე დღის წინ „მთავარ არხზე“ გასულ სიუჟეტთან.

სუს-ის საქმე ნამდვილად არ არის მედია როგორი სახის სიუჟეტებს მოამზადებს, შთაბეჭდილება მრჩება, რომ გამოძიება, რომელიც მიმდინარეობს, ჟურნალისტების საქმიანობაზე ზემოქმედების განხორციელების მოტივაციას უფრო ჰგავს,“ – განაცხადა ნინო ლომჯარიამ.

ინფორმაციისთვის „მთავარი არხის“ გადაცემა „შაბათის მთავარში“ გასულ სიუჟეტში რესპოდენტები საუბრობდნენ, რომ ხელისუფლების წარმომადგენლები მოქალაქეებს ოჯახის წევრების გარდაცვალების მიზეზად კორონავირუსის მითითების სანაცვლოდ ფულს სთავაზობდნენ და ამით კორონავირუსით დაავადებულთა სტატისტიკის ხელოვნურად გაზრდას ცდილობდნენ.

ავტორი
თამთა ბარბაქაძე