პარლამენტის ფრაქცია “ნაციონალური მოძრაობის” თავმჯდომარე, რომან გოცირიძემ სოციალურ ქსელ ,,ფეისბუქის” პირად გვერდზე, ,,ქართული ოცნების“ ლიდერებს ვირები, ცხენები, პინგვინები და ღორები უწოდა. მისივე თქმით, მმართველმ ძალამ წინასაარჩევნოდ სიძულვილის ენა მოიმარჯვა და შეთანხმებულ თავდასხმებს ახორციელებს ოპოზიციური პარტიის მისამართით.
განცხადებას უცვლელად გთავაზობთ:
”ქართულმა ოცნებამ” წინასაარჩევნო იარაღად სიძულვილის ენა მოიმარჯვა და შეთანხმებულად ესხმის თავს ”კრიმინალურ” ოპოზიციას.
ჩვენც გვაქვს ჩვენი იარაღი, ოღონდ არა სიძულვილის, არამედ ”მოფერების”. 😄
”ქართულ ოცნებას” ლიდერებად ჰყავს ვირები, ცხენები, პინგვინები, ღორები.😄
სიძულვილის ენა რომ არ დაგვბრალდეს, დანართის სახით ჩამოვთვლი რამდენიმე მინიშნებას: ბურედანი, ტროა, ანატოლი ფრანსი, ორუელი.
ჰო, ციყვებიც.
ამაზე მერე მიგანიშნებთ. 😉” – წერს რომან გოცირიძე ფეისბუქის პირად გვერდზე.
ავტორი
ქეთა გაბრიაძე
