დიანა ტრაპაიძე ტელეკომპანია “პირველიდან” წავიდა. ამის შესახებ ჟურნალისტმა სოციალურ ქსელში დაწერა. მისი თქმით ყველაფერს აქვს დასასრული და ახლა სწორედ დასრულების დროა.
“დღეიდან „დღის ამბებს“ აღარ წავიყვან. მივდივარ ტელევიზიიდან, მაგრამ სულ ვიქნები TV პირველის გულშემატკივარი. იქ ჩემი ძალიან კარგი მეგობრები მუშაობენ და წარმატებები მათ.
განსაკუთრებული მადლობა ვატოს, ინგას, ჟიჟის, ვახოს, ნანას. მათთან და სხვებთან ერთად, მეც ვაკეთებდი არცთუ ურიგო ტელევიზიას და იქ პროფესიული ცხოვრების ალბათ საუკეთესო 4 წელი გავატარე.
ყველაფერს აქვს დასაწყისი და დასასრული. ჩავთვალე რომ ახლა დასრულების დროა.
პ.ს. არ გადავდივარ არსად. ცოტას დავისვენებ და მერე დავიწყებ თავიდან,” – წერს დიანა ტრაპაიძე ფეისბუქის პირად გვერდზე.
გავრცელებული ინფორმაციის თანახმად “tv პირველს” კიდევ რამდენიმე ჟურნალისტი ტოვებს, მათ შორის ნინო ჟიჟილაშვილი და ვახო სანაია.
ავტორი
თამთა ასლანიშვილი