თავდაცვის მინისტრის კონკრეტული განცხადების პასუხად ”მოძრაობა თავისუფლებისთვის – ევროპული საქართველოს” გენერალური მდივანი აცხადებს, რომ მის წინააღმდეგ წარმოებული ყველა სისხლის სამართლის საქმე იყო პოლიტიკურად მოტივირებული და ეს ირაკლი ღარიბაშვილმა აღიარა:
“ბატონი ღარიბაშვილი კვლავ აგრძელებს ჩვენს გაოცებას. ის, მართლაც, ექსკვიზიტური ბრიყვია “ქართული ოცნების” გუნდში. მან პრაქტიკულად აღიარა, რომ ჩემს წინააღმდეგ წარმოებული ყველა სისხლის სამართლის საქმე იყო პოლიტიკურად მოტივირებული. აღიარა, რომ, როგორც პრემიერ-მინისტრი, მონაწილეობდა ვითომ მართლმსაჯულების წარმოებაში, რაც კიდევ ერთი დადასტურებაა იმისა, რომ “ქართულმა ოცნებამ” ბოლომდე მოსპო მართლმსაჯულება,” – განაცხადა გიგი უგულავამ.
ცნობისათვის: თავდაცვის მინისტრმა, ირაკლი ღარიბაშვილმა განაცხადა, რომ მისი პრემიერობის დროს გიგი უგულავა ორჯერ დაიჭირეს.
