გაზგასამართ სადგურზე აფეთქების შემდეგ, შესაბამისი სამუშაოების ჩატარების მიზნით, მისული ექსპერტ-კრიმინალისტი, რომელიც დენის დარტყმის შედეგად დაშავდა, საავადმყოფოში გარდაიცვალა.
ამაშუკელის ქუჩაზე, „ეკო გაზის“ აფეთქების შემდეგ ექსპერტ-კრიმინალისტი საგამოძიებო მოქმედებების ფარგლებში, შემთხვევის ადგილის დამატებით დათვალიერებას ახორციელებდა, რა დროსაც, პირველადი ინფორმაციით, მას დენმა დაარტყა. მისი ჯანმრთელობის მდგომარეობა მძიმე იყო.
„შინაგან საქმეთა სამინისტროს ღრმა მწუხარებას გამოთქვამს საექსპერტო-კრიმინალისტიკური დეპარტამენტის თბილისის საექსპერტო სამსახურის ს გარდაცვალების ფაქტთან დაკავშირებით და უსამძიმრებს დაღუპულის ოჯახს და ახლობლებს.
ექსპერტ კრიმინალისტი თბილისში, ელგუჯა ამაშუკელის ქუჩაზე მდებარე გაზგასამართ სადგურში, საგამოძიებო მოქმედებების ფარგლებში, შემთხვევის ადგილის დამატებით დათვალიერებას ახორციელებდა, რა დროსაც, პირველადი ინფორმაციით, მას დენმა დაარტყა და ჯანმრთელობის მძიმე დაზიანება მიიღო,“ – აღნიშნულია შსს-ს განცხადებაში.
ავტორი
თამთა ასლანიშვილი
გაზგასამართ სადგურზე მომხდარი აფეთქების შემდეგ ადგილზე მისულ ექსპერტ-კრიმინალისტს დენმა დაარტყა
