ანალიტიკოსი გოჩა მირცხულავა კონკრეტულ მძიმე ფაქტებს იხსენებს და კახეთში, სასტუმროში მომხდარ ინციდენტთან დაკავშირებით პირდაპირ მინიშნებებს აკეთებს:
“ტიპმა საკუთარი აივნიდან სხვა კორპუსის აივანზე ქალი მოკლა და ერი არ აღშფოთებულა.
მოხუცი მონაზონი გააუპატიურეს და ერმა ლოცვები გააძლიერა.
პატარა ბავშვებს მამები, ბიძები და მეზობლები აუპატიურებენ და ერი დუმს.
კლავენ – დუმს. სცემენ – დუმს. ჩაგრავენ – დუმს. ძარცვავენ – დუმს. ღირსებას ულახავენ – დუმს…
დუმს… დუმს… დუმს…
არ მიმაჩნია, რომ ის რუსი ქალი საცემი იყო. საერთოდ არ მიმაჩნია, რომ ძალადობას რაიმე გამართლება აქვს. ადამიანი, რომელიც საცემად გაიხდის თავს, მას ძალადობით ვერაფერს შეაგნებინებ და გააგებინებ.
მაგრამ, თუ მაინც ვინმეს პასუხისმგებლობაზე უნდა ვისაუბროთ, პირველ რიგში, ეს სასტუმროს ადმინისტრაცია და ხელმძღვანელობაა. მათ აიღეს ქორწილის ორგანიზების ვალდებულება, მიიღეს ანაზღაურება და სწორედ მათ ეკისრებოდათ სტუმრების უსაფრთხოებისა და კომფორტის უზრუნველყოფა.
ჩვენთან კი, როგორც ყოველთვის, პასუხისმგებელი თითქოს არავინ არის. სწორედ ეს არის ყველაზე დიდი პრობლემა – საზოგადოებამ ხშირად არც კი იცის, პასუხი ვის მოსთხოვოს.
რუსია და საცემია… ეს არგუმენტი არ არის… იმდენი ქართველია საცემი… ეჰ…“, – წერს გოჩა მირცხულავა სოციალურ ქსელში.
