პარტია “ხალხისთვის” თავმჯდომარე, ანა დოლიძე კონკრეტულ ფაქტებზე მიუთითებს და მმართველი გუნდის მიმართ მძიმე შეფასებებს აკეთებს:
“ეს კვირა უმძიმესი იყო ივანიშვილის მთავრობისთვის. მოდის და მოდის უარყოფითი შეფასებები და კრიტიკა დასავლეთიდან.
ავტორიტეტულმა ადამიანის უფლებების ორგანიზაციამ Human Rights Watch-მა გამოაქვეყნა დასკვნა, სადაც ძალიან კრიტიკულად არის აღწერილი ჩვენი რეალობა.
ვწუხვარ, რომ დავემსგავსეთ ისეთ დიქტატორულ რეჟიმებს, სადაც მსგავსი განცხადებები ჩვეულებრივი საქმეა.
ჩვენი ქვეყანა რეპუტაციას კარგავს და ეს ზოგიერთების ფუფუნებაში კორუფციით ცხოვრებას ეწირება.
არ უნდათ ოცნებელებს შრომა, ურჩევნიათ ერთი-ორი ტენდერი გაჭრან და გამდიდრდნენ და ამას ჩვენი ქვეყნის რეპუტაციის და ხალხის ცხოვრების ხარჯზე აკეთებენ“, – წერს ანა დოლიძე სოციალურ ქსელში.
