სასამართლო ხელისუფლებაზე აქცენტით, ქვეყანაში შექმნილ რეალობაზე საუბრობს პარტია “ხალხისთვის” თავმჯდომარე, ანა დოლიძე:
“ოლიგარქიული სახელმწიფო: სამი რამ გადაბმული ერთმანეთში, ივანიშვილის კერძო ბიზნესი, პარტია და სახელმწიფო. საერთო ყულაბა, საერთო ხალხი. “პარაგრაფებში” გამართულ ღონისძიებებს თუ გადავხედავთ, ეს კარგად ჩანს.
და რაზე დგას ეს? სასამართლოზე. მხოლოდ სასამართლოზე. სასამართლოს ხელში ჩაგდებით შეიქმნა ეს სისტემა, მხოლოდ. ყველა რეპრესია და ძალადობა სასამართლოზე დგას. ეს სასამართლო იქნება შესაცვლელი და გასაშვები, პირველ რიგში. და ვიღაცა იტყვის, რომ 20 წელი საქმეებს აგვარებს კლანის სასამართლოსთან, ისე რომ ერთხელ არ დაუწუწუნია და ახლა უნდა დაგვილაგოს, როგორ უნდა ვიცხოვროთ.
37 წელშიც იყო ასეთი ხალხი, “მე პატარა კაცი” ვარ, ეს მე არ მეხებოდა, კი ბატონო, ყველას თავისი ჯვარი აქვს და აცხოს თავისი პური. უბრალოდ პოლიტიკურ ამბიციას სხვა საზომი მოსდევს თან. ომი იყო სასამართლოზე, ომი, წლებია და ამ დროს საქაღალდეთი თუ დადიოდი მურუსიძე-ჩინჩალაძესთან, გვაქვს უფლება გამბედაობაზე და ფასეულობებზე კითხვები დავსვათ. არადა, ადამიანს მურუსიძე-ჩინჩალაძე გაკვრით მაინც რომ გაეკრიტიკებინა, ივანიშვილი აიყვანდა სამსახურში?
პასუხი ცხადია“, – წერს სოციალურ ქსელში აბა დოლიძე.
