სასწავლო პროცესთან და ამ დროისათვის აქტუალურ, ეროვნული გამოცდების ჩატარების საკითხთან დაკავშირებით პოზიციას აფიქსირებს ჯანდაცვის მინისტრი ეკატერინე ტიკარაძე:
„ინტენსიურად ვმუშაობთ განათლების სამინისტროსთან. ისინი რა თქმა უნდა, ითვალისწინებენ ყველა იმ რეკომენდაციას, რომელსაც ჩვენ გავცემთ და ვთვლით, რომ გამოცდები ჩატარდება სრულიად უსაფრთხოდ ყველა იმ აბიტურიენტისთვის, რომელიც რომელიც წელს აპირებს გამოცდებში მონაწილეობის მიღებას.
დღევანდელი ეპიდემიოლოგიური მდგომარეობიდან გამომდინარე, ჩვენ არ ვთვლით, რომ სასწავლო პროცესი შეიძლება გადაიწიოს. თუმცა, როგორც სხვა ქვეყნები, ჩვენც რა თქმა უნდა ვემზადებით იმისთვის, რომ როგორც ახლა, ასევე სექტემბერში მოგვიწევს კოვიდთან ერთად თანაცხოვრება და შესაბამისად, ჩვენი შვილებიც უნდა მოვამზადოთ ამ პროცესებისთვის, რათა მათ შეძლონ შეუფერხებლად განაგრძონ სწავლა“, – განაცხადა ეკატერინე ტიკარაძემ.