სომხეთში ჩატარებულ არჩევნებს და ფაშინიანის პარტიის გამარჯვებას, გეოპოლიტიკური თვალსაზრისით, კონკრეტული ვარაუდებით ეხმიანება ანალიტიკოსი, გია ხუხაშვილი.
“ფაშინიანის გამარჯვების და შესაბამისად სომხეთის განვითარების ვექტორის შეუქცევადად ევროპისკენ შებრუნების შემდეგ, კავკასიაში რუსეთს დარჩა ერთადერთი კოზირი – საქართველოს ხელისუფლება, რომლის გათამაშებასაც აუცილებლად შეეცდება.
აქ აღარ რჩება სივრცე მანევრებისთვის, ტვინების გამორეცხვის პროპაგანდისტული ნარატივისთვის “დიფ-სტეიტზე”, “ომის თავიდან აცილებაზე”, “მეორე ფრონტზე” და სხვა ათასი პოლიტიკური მაიმუნობისთვის.
ახლა თქვენზეა – ჩაყვებით იმპერიას პოლიტიკურ საფლავში, რომელიც კრონშტატში საბოლოოდ გაითხარა, “ბრძნული” ე.წ. “უსაფრთხოების კონცეფციის” ფარგლებში, თუ მოისვრით ამ მავნებლურ დოქტრინას სანაგვეში, ქვეყნის თუ არა, საკუთარი ტყავის გადარჩენის მიზნით მაინც…“, – წერს გია ხუხაშვილი სოციალურ ქსელში.
